久不久就會有客人前來詢問：我塊牌在xxx度買架，可唔可以幫我睇下真定假

我多年來既文章都曾經寫過，非本店流通的貨品，不會作出任何評論。

本店並無必要中傷他人去獲取信任，一向做事都以誠相待，做生意不求賺快錢，只求賺長久的錢。

對上遇過問同類情況的客人：我塊牌在xxx度買架，可唔可以幫我睇下真定假，好唔好架

我照舊答其他地方賣既貨我唔方便答

佢很奇妙地答：唔怕啦，你講我知啦，我唔會話係你講架，我之後都諗住喺你度買野架喇

我答：咁你再去其他店舖問啦，呢段時間d舖頭未關門，是但問間都會有人答你，你迫我解答都無用

佢又話：你咁講係咪即係話我隻牌假？定係我買貴左？

我答：拿，我乜都無答你

佢又問：咁即係好定唔好？你話我知我唔會話係你講架（我心諗你第一次上黎問到咁都算好難得，但你唔信人地又要幫襯人地？之後又要問我？）

我就反問：你係咪想我答，人地d貨唔好，有問題呀，你以後記得要搵我買喇

佢又話：唔好咁講，當係朋友角度，私底下傾下，我又唔會話係你講（我心諗，朋友？一秒朋友？我連你個名都唔知你話朋友角道私聊？唔好客氣）

我再說：我諗你去其他地方問，好多人都會樂意解答你，唔使問我既

最後幾經辛苦，約兩小時，終於離開，真係幾經辛苦，以上情況不只是遇過一次。平時一日見八台客都無呢種疲倦感。

致有相關問題想查詢的‘朋友’，本店只是小店一間，生意當然想好，但道德底線更要守得好。

如果一間店舖要用中傷他人既方法去吸客，咁樣做生意你仲會唔會去幫襯？

本店營運八年多，店主超過十年的研究經驗，加上泰國當地夥伴都有超過十年以上的鑑別經驗，聖物鑑識一向做足。如果相信本店，歡迎前來光顧。